कैलाली – बलात्कार प्रयासको आरोप लागेका सुदुरपश्चिम प्रदेशसभा सदस्य अक्कल रावललाई जिल्ला अदालत कैलालीले ४ दिन हिरासतमै राख्न अनुमति दिएको छ ।

रावलबिरुद्ध बलात्कार प्रयास गरेको उजुरी परेपछि बुधबार प्रहरीले पक्राउ गरी हिरासतमा राखेको थियो ।

बिहिबार कैलाली जिल्ला अदालतमा भएको बहसपछि उनलाई अनुसन्धानका लागि हिरासतमै राख्न अनुमति दिएको हो ।

जिल्ला अदालत कैलालीका न्यायाधीश कृष्ण प्रसाद नेपालको इजलासमा भएको बहसपछि उनलाई फागुन २१ गतेदेखि लागु हुने गरी ४ दिन हिरासतमा राख्न अनुमती दिए अदालतका श्रेस्तेदार रैभान कन्जेडाले जानकारी दिए ।

नेपाल कम्युनिष्ट पार्टी (नेकपा) सुदूरपश्चिमका सचेतक समेत रहेका प्रदेशसभा सदस्य रावललाई एक महिलाले बलात्कार प्रयास गरेको आरोपसहितको उजुरी दिएपछि बुधवार पक्राउ परेका थिए ।