काठमाडौं – फिल्म ‘नो टाइम टु डाइ’ अब नोभेम्बरमा रिलिज हुने भएको छ । जेम्स बोण्ड सिरिजको यो फिल्म हलिउडको प्रतीक्षित फिल्ममध्ये एक थियो ।

विश्वव्यापी रुपमा फैलिएको कोरोना भाइरसका कारण फिल्मको रिलिज मितिमा हेरफेर गरिएको जनाइएको छ । पछिल्लो समय कोरोना भाइरसका कारण चिनियाँ लगायत बलिउड र हलिउडका फिल्म उद्योग पनि प्रभावित भएका छन् ।

‘नो टाइम टु डाइ’ पहिले ३१ मार्चमा रिलिज हुने भनिएको थियो । अब भने १२ नोभेम्बरमा बेलायत र २५ नोभेम्बरमा अमेरिकामा रिलिज हुनेछ ।

जेम्स बोण्ड सिरिजले हलिउडमा मात्र नभएर चीनको फिल्म बजारमा पनि राम्रो व्यापार गर्ने गरेको थियो । पछिल्लो समय कोरोना भाइरसका कारण चीनमा फिल्म उद्योग पनि ठप्पजस्तै भएको छ ।