पछिल्लो समय बलिउडमा चर्चामा रहेका अभिनेता कार्तिक आर्यनले बलिउड गर्ल दीपिका पादुकोणसँग काम गर्न चाहेको संकेत गरेका छन् ।

केही समयअघि आर्यन र दीपिका एक विमानस्थलमा नाच्दै गरेको  भिडियो सार्वजनिक भएको थियो । भिडियोमा दीपिकालाई कार्तिक आर्यनले स्टेप सिकाइरहेका थिए ।

कार्तिकले आफ्नो र दीपिकाको तस्वीर इन्स्टाग्राममा पोस्ट गर्दै लेखे, कुनै निर्देशकमा दम छ?

यो तस्वीरमा दीपिका आफ्नो पहिलो फिल्म ‘ओम शाति ओम’ को एक दृश्यमा देखिन्छिन् ।

उक्त पोस्टमा एक प्रयोगकर्ताले लेखे – यो तस्वीर किन पोस्ट गरेको?

कार्तिकले उत्तर दिँदै लेखे – किनकि ब्रह्माण्ड त्यतिबेलादेखि नै यही कोशिशमा लागिरहेको छ ।

आज दीपिका पादुकोणको जन्मदिन हो । उनको जन्मदिनको अवसर पारेर सेलिब्रेटी र दीपिकाका फ्यानले जन्मदिनको शुभकामना दिइरहेका छन् ।