उदयपुर- उदयपुरको कटारीमा रहेको शौर्य चुन ढुंगा खानीमा बम विष्फोट भएको छ ।
बिहिबार राति साढे १२ बजेतिर पुगेका तीन/चार जना ब्यक्तिले कटारी नगरपालिका–८ भान्टाबारीस्थित खानीमा चार वटा बम बिस्फोट गराएको प्रारम्भिक अनुसन्धानबाट खुलेको उदयपुर प्रहरी प्रमुख एसपी भीमबहादुर दाहालले जानकारी दिए ।
कसले र किन बम विष्फोट गरायो भन्नेबारे केही पनि खुलेको छैन ।
ती व्यक्तिले खानीमा रहेका मजदुरहरुलाई गालीगलौजसमेत गरेको पाइएको दाहालले बताए ।
लगत्तै उनीहरूले विष्फोट गराएपछि मजदुरहरू आत्तिएर भागेका थिए । सोक्रममा चार जना मजदुर घाइते भएका छन् । विष्फोटबाट एउटा मोटरसाइकल र एक्साभेटरमा क्षति पुगेको प्रहरीले जनाएको छ ।
प्रतिक्रिया