एजेन्सी-  टोटेनहम युरोपा लिग फुटबलको नकआउट चरणमा प्रवेश गरेको छ ।

बिहिबार राति समूह जेको खेलमा टोटेनहम अष्ट्रियन क्लब लास्कसंग ३–३ गोलको बराबरीमा रोकिए पनि नकआउट चरण प्रवेश गरेको हो ।

खेलमा अग्रता ४२औँ मिनेटमा घरेलु टोली लास्कले पिटर मिकोरलको गोलमा लिएको थियो । पहिलो हाफको ईन्जुरी समयमा पेनाल्टीमा गोल गर्दै ग्यारेथ बेलले खेल बराबरीमा ल्याएका थिए ।

५६औँ मिनेटमा ह्युङ मिन सनले टोटेनहमलाई २–१ ले अघि बढाएका थिए । खेल सकिन ६ मिनेट अघि घरेलु टोलीका जोहान्स एगेन्स्टीनले खेल २–२ मा पुर्‍याए ।

डेली अलीले खेलको अन्तिम समयमा पेनाल्टीमा गोल गर्दै टोटेनहमलाई जित नजिक पुर्‍याए । तर, ईन्जुरी समयमा लास्कका ममौदो करमोकोले गोल गर्दै टोटेनहमसंग अंक खोस्न सफल रहे ।

अब समूह विजेताको टुंगो लगाउन टोटेनहम र एन्टवर्पबीच अर्को साता खेल हुनेछ । समूहमा शीर्ष क्लब एन्टवर्पको १२ अंक छ । दोस्रो टोटेनहमको १० अंक छ ।