काठमाडौं- नेपालमा आइतबार मात्रै १६ जान कोरोना संक्रमित थपिएका छन् ।

आइतबार साँज थप ६ जनामा कोरोना भाइरसको संक्रमण पुष्टि भएसँगै आज मात्रै नेपालमा कोरोना संक्रमितको संख्या १६ पुगेको हो । यसअघि स्वास्थ्य तथा जनसंख्या मन्त्रालयको नियमित पत्रकार सम्मेलनमा १० जनामा कोरोना संक्रमण देखिएको जानकारी दिएको थियो । ्

जसमा वीरगञ्जमा १ र नेपालगञ्जमा ९ जनामा कोरोना भाइरसको संक्रमण देखिएको बताइएको थियो । यो सहित नेपालमा कोरोना भाइरसको संक्रमण देखिनेको संख्या ७५ पुगेको छ। जसमध्ये १६ जना निको भइसकेका छन्।

नेपालगञ्जबाट ९० जनाको स्वाब परिक्षण गर्न पठाइएकोमा ६० जनाको जाँच गर्दा १५ जना पोजिटिभ आएको हो । ३० जनाको रिपोर्ट आउन बाँकी रहेको बताइएको छ ।

आज कोरोना संक्रमण देखिएकामध्ये एक जना ७ वर्षिया वालक रहेका छन् ।