काठमाडौं– कोरोना भाइरस (कोभिड–१९)को त्रासका बीच संघीय संसदको प्रतिनिधिसभा बैठक लगातार तेस्रो पटक स्थगित भएको छ ।
यसअघि चैत २३ गतेका लागि तय गरिएको प्रतिनिधिसभा बैठक सूचना टाँस गरी चैत ३० गते सम्मका लागि स्थगित गरिएको हो ।
यसअघि चैत १२ गते सूचना टाँस गर्दै संसद बैठक चैत २३ गते सम्मका लागि सारिएको थियो ।
कोरोना भाइरसको सन्त्रासका बीच चैत ७ गते बस्ने बैठक सूचना टाँस गरी स्थगित गरिएको थियो । चैत ७ गते बस्ने बैठक चैत १३ गते बस्ने गरी स्थगित गरिएकोमा १२ गते सूचना टाँस गर्दै १३ गते बस्ने बैठक चैत २३ गतेसम्मका लागि स्थगित गरिएको थियो । संसदको अर्को बैठक अब चैत ३० गते (आइतबार) दिउँसो १ बजे बस्ने भनिएको छ ।
प्रतिक्रिया