काठमाडौं – आईसीसी विश्वकप लिग २ अन्तरगतको त्रिकोणात्मक शृङ्खला खेल्न अमेरीकी टोली काठमाडौं आइपुगेको छ ।

टोलीले आज दिउँसो पहिलो अभ्यास गर्दैछ । किर्तिपुरस्थित त्रिवि क्रिकेट मैदानमा अमेरिकी टोलीले दिउँसो १ बजे आफ्नो अभ्यास खेल खेल्न लागेको हो।

आइतबार राति १० बजे भारतको मुम्बईबाट काठमाडौं आइपुगेको अमेरिकी टोली होटल सोल्टीमा बसेको छ ।

अमेरिकी टोली हिजो भारतको मुम्बईबाट नेपाल एअरलायन्सको ‘आरए २०२’ विमानबाट काठमाडौं आइपुगेको हो ।

आइतबार अमेरिकी टोलीलाई नेपाली क्रिकेट टोलीका अफिसियल, नेपाल क्रिकेट संघ (क्यान) का कोषाध्यक्ष रोष सिंह लगायतले पाहुना टोलीको स्वागत गरेका थिए ।

नेपाल ओमान र अमेरिकाबीच त्रिकोणात्मक क्रिकेट सिरिस माघ २२ गतेदेखि २९ गतेसम्म संचालन हुनेछ । नेपालले अमेरिकासँग माघ २५ र २९ गते खेल्नेछ ।