काठमाडौं – भक्तपुरको मध्यपुर थिमी नगरपालिकाका एक युवकको कोरोना संक्रमणका कारण ज्यान गएको छ । उनमा गत भदौ ४ गते कोरोना भाइरस संक्रमण पुष्टि भएको थियो ।

मध्यपुर थिमी नगरपालिकाकी उपमेयर अञ्जनादेवी मधिकर्मीका अनुसार ती पुरुष मध्यपुर थिमी नगरपालिका– ७ मा बस्दै आएका थिए । ४० वर्षीय ती युवकको मंगलबार राति पाटन अस्पतालमा मृत्यु भएको हो ।

अस्पतालका अनुसार उनको उपचारका क्रममा मृत्यु भएको हो । उनीसँगै उनका परिवारमा पनि कोरोना संक्रमण देखिएको थियो । परिवारका सदस्य आमा, बाबु, पत्नी र दुई छोराछोरीमा पनि कोरोना संक्रमण पुष्टि भएको छ । उनीहरू सबै होम आइसोलेसनमा छन् ।

गत भदौ १३ गते पाटन अस्पतालमा कोरोना संक्रमणका कारण उनकी आमाको पनि मृत्यु भएको थियो । आमाको मृत्यु भएको ४ दिनपछि छोराको पनि मृत्यु भएको हो ।