काठमाडौं– कर्णाली प्रदेशमा थप २९ जनामा कोरोना संक्रमण पुष्टि भएको छ ।

सामाजिक विकास मन्त्रालय कर्णाली प्रदेशले विज्ञप्तिमार्फत थप २९ जनामा कोरोना संक्रमण पुष्टि भएको जनाएको हो । यो सँगै कर्णाली प्रदेशमा कोरोना संक्रमितको संख्या २६२ पुगेको छ ।

प्रदेश अस्पताल सुर्खेत तथा पशुपन्छी रोग अन्वेषण प्रयोगशालामा गरिएको परीक्षणमा सुर्खेत, सल्यान र अछामका २९ जनामा कोरोना संक्रमण पुष्टि भएको हो ।

संक्रमित मध्ये सुर्खेत वीरेन्द्रनगर नगरपालिका १ र ३ का क्रमश १७, १७, १८, २१, २३, ३०, ३२ र ५०, १४, २७ र ३३ वर्षका पुरुष छन्।

यस्तै सल्यानको दार्मा गाउँपालिका वडा नम्बर १,२,३ र ४ का क्रमश ३९, ३६, ४८, ३५, ३९, ३८, ४०, ४० र ५० वर्षका पुरुषहरु छन्।

यस्तै अछामको मंगलसेन नगरपालिका ४ का २३ वर्षीय पुरुष, मेल्लेख गाउँपालिका वडा नम्बर ४ का २२, २४, २७, २९, ३५ र ४० वर्षका पुरुष र २७ र ३० वर्षका दुईजना महिला समेत संक्रमित भएका छन् ।