काठमाडौं- पूर्व राजा ज्ञानेन्द्र शाहले आफ्नो विवाहको ५० वर्ष भएको अवसर पारेर शुभकामना दिने शुभचिन्तकलाई धन्यवाद दिएका छन् ।

पूर्व राजा ज्ञानेन्द्र शाहले एक विज्ञप्ति जारी गर्दै आफ्नो वैवाहिक वर्षगाठको अवसरमा शुभकामना दिएकोमा धन्यवाद दिएका हुन् ।

आफ्नो र पूर्व वडामहारानी कोमल राज्यलक्ष्मी देवी शाहबीच विवाह भएको ५० वर्ष भएको अवसर पारेर आफन्त र इष्टमित्र शुभेच्छुक र शुभचिन्तक व्यक्तिहरुले बधाई तथा शुभकामना दिएको भन्दै उनीहरु सबैप्रति सद्भावपूर्वक धन्यवाद व्यक्त गरेको उल्लेख गरेका छन् ।

हिन्दू संस्कृतिमा विवाहलाई एक उच्चतम संस्कारका रुपमा मानिएको र दुई आत्माको सम्मिलन र प्रेमसम्बन्धको शुभ अवसरका रुपमा रहेको विवाह संस्कार जीवन व्यवहारको सार सूत्र रहेको पूर्व राजा शाहले उल्लेख गरेका छन् ।