काठमाडौं-  नेपाल बैंक लिमिटेडले सातै प्रदेशका कोरोना भाइरस रोकथाम कोषमा ५-५ लाख रुपैयाँ सहयोगको घोषणा गरेको छ ।

विश्वभर फैलिएको कोरोना भाइरसले समग्र विश्वलाई नै प्रभावित पारिरहेको मानवीय विपतको घडीमा सरकारालाई साथ दिन बै‌ंकले सो रकम सहयोगको घोषणा गरेको हो ।

बैंकले संस्थागत सामाजिक उत्तरदायित्व अन्तर्गत सातै प्रदेश सरकारको कोषमा ५/५ लाखका दरले हुनआउने ३५ लाख रुपैयाँ सहयोग गर्ने निर्णय गरेको प्रवक्ता प्रकाशकुमार अधिकारीले विज्ञप्ति मार्फत जानकारी दिएका छन् ।

बैंकले यसअघि देशमा कोरोना भाइरसको सम्भावित संक्रमण, रोकथाम र नियन्त्रणका लागि संघीय सरकारबाट भएको पहलकदमीलाई साथ दिन संस्थागत सामाजिक उत्तरदायित्व अन्तर्गत एक करोड रुपैयाँ सहयोग प्रदान गरेको थियो ।

योसँगै कोरोना भाइरस संक्रमण रोकथाममा बैंकको तर्फबाट एक करोड ३५ लाख रुपैयाँ योगदान भएको प्रवक्ता अधिकारीले जानकारी दिए ।