एजेन्सी- विश्वव्यापी महामारीको रुपमा फैलिएको कोरोना भाइरसको संक्रमण जर्मनीमा पनि तीव्र देखिएको छ ।

जर्मनीमा पछिल्लो २४ घण्टामा १ सय ३० जनाले ज्यान गुमाएका छन् भने ४ हजार ९सय २३ जना नयाँ संक्रमित फेला परेका छन् ।

पछिल्लो तथ्यांकसँगै जर्मनीमा ज्यान गुमाउनेको संख्या ७ सय ७५ पुगेको छ ।

त्यस्तै एकै दिन ४ हजार ९ सय २३ जनामा संक्रमण देखिएसँगै जर्मनीमा संक्रमितको संख्या ७१ हजार ८ सय ८ पुगेको हो ।

संक्रमितमध्य १६ हजार १ सय उपचारपछि निको भएका छन् । २ हजार ६ सय ७५ जनाको अवस्था गम्भीर रहेको जनाइएको छ भने ५४ हजार ९ सय ३३ जना उपचाररत छन् ।

कोरोना भाइरसका कारण संक्रमितको संख्या विश्वमा ९ लाख ३४ हजार ८ सय २५ पुगेको छ । एकै दिन ७६ हजार ४ सय ७० जनामा संक्रमण देखिएको जनाइएको छ ।

विश्वव्यापी रुपमा एकैदिन ४ हजार ७ सय १९ जनाले ज्यान गुमाएसँगै मृत्यु हुनेको संख्या ४१ हजार १ सय ८९ पुगेको छ । संक्रमितमध्ये १ लाख ९३ हजार ९ सय ८९ जना उपचारपछि निको भएका छन् ।