काठमाडौं- एभरेष्ट बैंकले न्यूरोड कम्प्लेक्समा रहेको न्यू रोड शाखा औपचारिक रुपमा संचालनमा ल्याएको छ।

न्यूरोड शाखाबाट चेक डिपोजिट, यूटिलिटी बिल भुक्तानी, एटीएम र ई–लबीमार्फत ग्राहकहरुलाई सहज बैकिङ्ग सेवा प्रदान गरिने बैंकले जनाएको छ ।

नयाँ शाखाको औपचारिक उद्घाटन एका कार्यक्रमकाबीच नेपाल राष्ट्र बैंकका डेपुटी गर्भनर चिन्तामणि सिवाकोटीले गरेका हुन् ।

सोही समारोहमा डेपुटी गर्भनर र प्रमुख कार्यकारी अधिकृत जीके नेगीले शाखाका पुराना तथा इमान्दार ग्राहकहरुलाई संयुक्त रुपमा सम्मानित गरेका थिए ।

सो अवसरमा अन्य विशिष्ठ अतिथिहरु डा।सन्धिर कुमार, डीजीएम र बैंकका अन्य वरिष्ठ अधिकारीहरुको उपस्थीति रहेको थियो।

बैंकले ९५ स्थानीय शाखा, ३ एक्सटेन्शन काउन्टर, ३० राजस्व संकलन काउन्टर, १२३ एटिएमबाट आफ्ना ग्राहकलाई सेवा दिदैं आएको छ।