काठमाडौं– दक्षिण कोरियाको ख्वाङ्जु शहरमा एक जना नेपालीलाई कोरोना सङ्क्रमण नदेखिएको गैर आवासीय नेपाली स‌ंघ कोरियाले जनाएको छ ।

ख्वाङ्जु शहरमा एक जना नेपालीलाइ कोरोना सङ्क्रमण देखिएको भन्दै सामाजिक सञ्जालमा भइरहेको पोस्ट प्रति एनआरएनए कोरियाले ध्यानाकर्षण भएको भन्दै विज्ञप्ति मार्फत जनाएको छ ।

‘हामीले स्थानीय महानगरपालिका र परराष्ट्र मन्त्रालय संग गरेको सोधपुछमा हाल सम्म कुनै नेपाली मा कोरोन संक्रमण नदेखिएको सम्पूर्ण सबैमा जानकारी गरिन्छ’ विज्ञप्तिमा जनाइएको छ ।

विज्ञप्तिमा भनिएको छ– ‘कोरना भाइरस सम्बन्धित झुटा र अतिरन्जित समाचार वा अफवाहको प्रचार, प्रसार र प्रकाशन कोरियाको कानुन अनुसार बर्जित छ र कोरियाको प्रचलित कानुन अनुसार हदै सम्मको दण्ड सजाय हुने भएको हुदा झुटा,अतिरन्जित र कपोकल्पित समाचार प्रचार, प्रसार र प्रकाशन नगर्न समपूर्ण सवैमा गैरआवासीय नेपाली संघ राष्ट्रिय समन्वय परिषद् दक्षिण कोरिया हार्दिक अनुरोध गर्दछ।’