इलाम- इलामको फाकफोकथुम गाउँपालिकास्थित लुम्देमा पिकअप भ्यान दुर्घटना हुँदा दुई जनाको मृत्यु भएको छ ।
तरकारी लिएर झापाको दमकका लागि छुटेको को२च १५ नम्बरको पिकअप भ्यान दुर्घटना हुँदा अरू दुई जना घाइते भएका छन् ।
राँके बजारबाट झापाको दमकका लागि छुटेको गरेको पिकअप भ्यान सोमबार साँझ दुर्घटना हुँदा माईनगरपालिका–९ का दिनेश लिम्बूको मृत्यु भएको प्रहरीले जनाएको छ ।
मृत्यु भएका अर्का एक जनाको सनाखत हुन बाँकी रहेको इलामका प्रहरी प्रमुख नवीनराज राईले जानकारी दिए ।
दुर्घटनामा सचिन राई र विकास तामाङ घाइते भएका छन् । उनीहरूलाई उपचारका लागि इलाम अस्पताल लगिएको छ ।
प्रतिक्रिया