काठमाडौं । काठमाडौं महानगरमा भदौ १३ गतेसम्म कोरोना भाइरसबाट संक्रमित हुनेको संख्या २ हजार ४५२ पुगेको छ ।
यी बिरामीको सम्पर्कमा भएका ४ हजार २ सय १३ जनाको कन्ट्याक्ट ट्रेसिङ्ग गरिएको छ ।
महानगरमा भदौ १२ गते २ हजार ३ सय ४३ संक्रमित भएकोमा १३ गते १ सय ९ जना थपिएर २ हजार ४ सय ५२ पुगेको हो ।
यस दिनसम्ममा ५ सय ४८ जना होम आइसोलेसनमा र ५ सय ४१ जना अस्पतालमा रहेका छन् भने ४ सय ६० जना निको भएर फर्किएका छन् ।
त्यस्तै शनिबारसम्म १६ जनाको मृत्यु भएको महानगरले जनाएको छ ।
मृत्यु हुनेमा वडा ३, ७, १२, १३, २०, २१, २२, ३१ र ३२ मा १/१ जना, वडा ४ मा २ जना, १० मा ३ जना र २७ मा २ जना छन् ।
प्रतिक्रिया