चितवन- बिरामी बोकेको एम्बुलेन्स चितवनको पानीधारा भन्ने ठाउँबाट त्रिशूली नदी किनारमा खस्दा पाँच जना घाइते भएका छन् ।
काठमाडौँबाट बिरामी लिएर सर्लाहीका लागि छुटेको ना ५ च १०३३ नम्बरको एम्बुलेन्स चितवनको इच्छाकामना गाउँपालिका ३ पानीधारामा आज बिहान सवा ५ बजेतिर दुर्घटना भएको हो ।
दुर्घटनामा एम्बुलेन्स चालक झापाको गौरीगन्ज गाउँपालिका १ का सरोज दाहाल, सर्लाही बरहथवा नगरपालिका २ का दिलमाया रानामगर, सोही स्थानका बाधे राना मगर, मेक कुमारी राना मगर र नर बहादुर मगर घाइते भएको जिल्ला प्रहरी कार्यालय चितवनले जनाएको छ ।
घाइते मध्ये बाधे राना मगरको अवस्था गम्भीर रहेको प्रहरीले जनाएको छ ।
प्रतिक्रिया