काठमाडौं- नेपाली कांग्रेसका सांसद अभिषेक प्रताप शाहले सगरमाथामा चीनले एकतर्फी सर्भे टोली पठाएकोमा आपत्ति जनाएका छन् ।

प्रतिनिधिसभाको शून्य समयमा बोल्दै सांसद शाहले नेपाल–चीनबीच सहमति भएर मात्रै सगरमाथामा सर्भे टिम पठाउनुपर्ने भन्दै आपत्ति जनाएका हुन् ।

‘२० मे २०२० मा चीनको अफिसियल पेज जिन्ह्वा कल्चर एण्ड ट्राभल्सले माउन्ट एभरेष्ट सगरमाथा चीनियाँ भाषामा माउन्ट चोमालाङमामा सर्भे टिम पठाएको छ’, उनले भनेका छन् ।

त्यो सर्भे टिम नेपालसँग परामर्श गरेर पठाएको हो कि ? के हो भनेर ध्यानाकर्षण समेत गराएका छन् ।

उनले चिनियाँ टोलीले सगरमाथामा फाइभ जी टावर समेत जडान गरेको बताउँदै नेपाल–चीनबीच सहमति भएर मात्रै सबै कुरा अघि बढाउनुपर्ने जनाएका छन् ।