बाँके – बाँकेमा गएरातिको दुर्घटनामा मृत्यु भएका १२ जना र घाइते सबैको कोरोना भाइरस भए नभएको पुष्टि गर्न स्वाब परीक्षण गरिने भएको छ ।
भेरी अस्पतालका मेडिकल सुपरीटेन्डेन्ट डा. प्रकाश थापाका अनुसार मृतक र घाइते सबैको कोरोना भाइरसको परीक्षण गर्न स्वाब परीक्षण संकलन सुरू गरिएको जानकारी दिए ।
स्वाब परीक्षण रिपोर्टका आधारमा मात्रै आफन्तलाई शव बुझाइनेछ । भारतबाट आएकाले उनीहरुमा कोरोना भाइरसको जोखिम उच्च रहेकाले परीक्षण गर्न लागिएको हो ।
भारतका विभिन्न शहरबाट आएका ३३ जना सवार ना ५ ख ५९९५ नम्बरको फोर्स गाडीमा सल्यान जाँदै गर्दा आइतबार राति सवा १२ बजेतिर रोकिराखेको ट्रकमा ठोकिएको थियो ।
प्रतिक्रिया