काठमाडौं – जर्मन बुन्डेसलिगा फुटबलमा बोरुसिया डर्टमण्डले शानदार जीत निकालेको छ ।
उपाधि दाबेदार मानिएको डर्टमण्डले आइतबार रातिको खेलमा जाडोन सान्चोको ह्याट्रिक मद्दतले पुछारको पार्डाबोनलाई ६-१ गोल अन्तरले पराजित गरेको छ ।
डर्टमण्डको जीतमा थोर्गन हाजार्ड, अच्राफ हाकिमी र मार्सेल स्मेल्जर एक एक गोल गरे । पार्डाबोनका उवे हुएनेमिरले एक गोल फर्काए ।
मुख्य स्ट्राइकर अर्लिङ हालाण्डबिना मैदान उत्रिएको डर्टमण्डले सबै गोल दोस्रो हाफमा गरेको हो । हालाण्ड चोटका कारण मैदान उत्रिएका थिएनन् ।
जीतपछि डर्टमण्डले बायर्नसँगको अंक दुरी ७ मा झारेको हो । डर्टमण्डको २९ खेलमा ६० अंक रहेको छ । बायर्नको ६७ अंक रहेको छ ।
प्रतिक्रिया