मुम्बई – अमिताभ बच्चनले हालै ऋषि कपूरको निधनको खबर दिँदै लेखे कि, म टुटेको छु । पछि उनले आफ्नो ट्वीट डिलिट गरे ।

साँझ अमिताभले ऋषिसँगको पहिलो भेट र दुईबीचको सम्बन्धलाई लिएर एक ब्लग लेखेका छन् ।

अमिताभले लेखेका छन्, ‘राज (अभिनेता राज कपूर) साहेबले एक साँझ मलाई बोलाए, त्यतिबेला नै उनले पहिलोपटक ऋषि कपूरलाई देखेको थिएँ ।’

पहिलो भेटमा ऋषि सानो बालक थिए । उनको चालढाल एकदमै बेग्लै थियो । पछि उनी आरके स्टुडियोमा प्रायः देखिन्थे ।

अमिताभले आफ्नो ब्लगमा लेखेका छन् – हामीले कैयन् पिल्ममा एकसाथ काम गर्‍यौं, विश्वास गर्नुस्, जब उनले कुनै कुरा गर्थे, त्यतिबेला उनको कुराबाहेक अरु विकल्प नै हुँदैनथ्यो । उनी एकदमै जिनियन थिए ।

‘उनले जति राम्रो गीतमा लिपसिंक गर्थे, शायद दोस्रो अरु कसैले गरोस् ।,’ अमिताभले लेखेका छन् ।

अमिताभले फिल्मको सेटमा आफूहरुले अरुलाई पनि हँसाउने गरेको लेखेका छन् । अमिताभले सम्झेका छन् – ‘केवल सेटमा मात्र होइन, अरु इभेन्टस्मा पनि हामीले रमाइलो गर्थ्यौं ।’

अमिताभले ऋषि बिरामी भएको बेला कुरा गर्दा कहिल्यै पनि बिरामीसँग लडेको महसुस नगराउने गरेको पनि लेखेका छन् । ‘उनले सधै छिटै भेट्ने बताउँथे यो त रुटिनमा अस्पताल आउने जाने हो, म छिट्टै फर्केर आउँछु,’ उनले लेखेका छन् ।