काठमाडौं –  चक्रपथ बिस्तारको कामले आज काठमाडौंका धेरैजसो स्थानमा विद्युत कटौती भएको छ ।

नेपाल विद्युत प्राधिकरणका अनुसार चक्रपथ बिस्तारका लागि सडक किनारका रुख काट्ने क्रम जारी रहेकाले आज दिनभरजसो काठमाडौंका अधिकांश स्थानमा विद्युत कटौती हुनेछ ।

महाराजगंज  वितरण केन्द्रको धापासी  फिडरबाट वितरीत लाइन  अपरान्ह ४ बजेसम्म कटौती हुनेछ ।

धापासी फिडर अन्तरगत वसुन्धारा, सामाखुशी चोक, रानीबारी, गोंगबु चोक, टोखा रोड हुँदै ग्राण्डी हस्पीटल लगायतका क्षेत्रहरु विहानैदेखि विद्युत छैन ।

यस्तै पुल्चोक वितरण केन्द्रको टेकु पुल्चोक  फिडरबाट वितरीत ११ केभी  लाइनमा सेक्सनलाइजर राख्ने कार्य भइरहेकाले त्यस क्षेत्रमा पनि विद्युत कटौती भएको छ ।

प्राधिकरणका अनुसार ११ केभी लाइनको जम्परहरु मर्मत गरी फिडर सुधार गर्ने काम जारी रहेकाले ११ बजेदेखि त्यस क्षेत्रमा विद्युत कटौती भएको छ ।

विहान ११ बजेदेखि कटौती भएको विद्युत साँझ ५ बजे अघि आउने छैन । टेकु पुल्चोक फिडरबाट वल्खु, सानेपा साँचल, सानेपा चोक, प्रधानसेनापति निवास, झम्सीखेल चोक लगायतका क्षेत्रहरुमा विद्युत वितरण भएको छ ।