मुम्बई – आयुष्मान खुराना प्रहरी अधिकारीको भूमिका निभाएको फिल्म ‘आर्टिकल १५’ को ट्रेलर सार्वजनिक भएको छ ।

ट्रेलरमा क्रुर सामूहिक बलात्कार र दलितमाथि भएको अपराधलाई देखाइएको छ । यस्तै ट्रेलरमा आयुष्मानलाई एक बहादुर प्रहरीको भूमिकामा देखाइएको छ । भारतमा हुने जातीय विभेदलाई पनि फिल्ममा देखाइएको छ ।

ट्रेलरमा समानताको अधिकारलाई देखाउन खोजिएको झल्किन्छ । यो फिल्म लण्डन इन्डियन फिल्म फेस्टिभलको दशौँ संस्करणमा देखाइने छ । यो फेस्टिभललाई दक्षिण एसियाको सबैभन्दा ठूलो फेस्टिभल मान्ने गरिन्छ ।

फिल्ममा तलवार, एम नसार, मनोज पाहवा, सयानी गुप्ता, कुमुद मिश्रा लगायतका कलाकारले पनि अभिनय गरेका छन् ।