काठमाडौ – आयुष्मान देशराज जोशी र प्रियंका कार्की स्टारर फिल्म ‘प्रेम दिवस’ को गीत सार्वजनिक गरिएको छ ।

फिल्ममा समावेश रोमान्टिक शीर्ष गीतमा सुरज तामाङ र शैलु सिंहको स्वर सुन्न सकिन्छ । यस्तै गीतमा सन्तोष पोखरेलको शब्द र करणराज कार्कीको संगीत रहेको छ ।

रोमान्टिक लभ स्टोरी यो फिल्ममा प्रियंका र आयुष्मानका अलावा हेमन्त बुढाथोकी, शिव शंकर रिजाल, उत्तम केसी, सञ्जय न्यौपाने, श्रीकृष्ण लुइँटेल, विशाल खरेल लगायतका कलाकारको अभिनय रहेको छ ।

फिल्ममा कविराज गहतराजको कोरियोग्राफी, रोशन श्रेष्ठको द्वन्द्व तथा वनिष श्रेष्ठ र मिलन श्रेष्ठको सम्पादन रहेको छ । फिल्मको निर्देशन योगेश घिमिरेले गरेका हुन् भने मनिष दाहालले निर्माण गरेका हुन् ।