काठमाडौं– काठमाडौंमा मेघ गर्जनसहित वर्षा भएका कारण भिजिविलिटी कम भएपछि त्रिभुवन अन्तर्राष्ट्रिय विमानस्थलमा अवतरण हुनुपर्ने जहाजलाई डाइभर्ट गरिएको छ ।
कतारको राजधानी दोहाबाट काठमाडौं आएको जहाज भिजिविलिटी कम हुँदा अवतरण गर्न नसकेर भारत फर्किएको छ । मौसम खराबीकै कारण दिल्लीबाट आएको नेपाल एयरलाइन्सको जहाजले पनि अवतरण गर्न नसकेर आकासमै घुमिरहेको छ ।
त्यस्तै, फ्लाई दुबई र चाइना साउथर्न एयरका जहाजलाई भारतको लखनउ पठाइएको त्रिभुवन विमानस्थलका महाप्रबन्धक राजकुमार क्षेत्रीले जानकारी दिएका छन् । मेघ गर्जनसहित वर्षा भएका कारण विमानस्थलमा भिजिबिलिटी कम भएकाले अवतरण गर्न समस्या परेको उनको भनाइ छ ।
प्रतिक्रिया