काठमाडौं– गत मंगलबारबाट औपचारिक उद्घाटन गरिएका ब्रमरले काठमाडौं उपत्यकाभित्रको धुलो सफा गर्ने कामलाई तीव्रता दिएका छन् । राति र बिहानको समयमा ब्रुमरले सडकको धुलो सफा गर्ने गरिंदै आएको पाइन्छ ।

काठमाडौं महानगरले इटालीबाट ल्याइएका अत्याधुनिक प्रविधिका पाँच वटा ब्रमुर सञ्चालनमा ल्याएसँगै धुलो हटाउने कामलाई तीव्रता दिएको हो । ब्रुमर सञ्चालनमा आएसँगै धुलो र धुवाबाट आजित बनेका काठमाडौंबासीलाई केही राहात मिल्ने अपेक्षा गरिएको छ ।

महानगरका प्रवक्ता ईश्वरमान डंगोलले उपत्यकाकाको धुलो सफा गर्ने कामलाई तीव्रता दिएको जनाएका छन् । उनले ब्रुमरको प्रयोग गर्दैमा धुलोमुक्त शहर बन्छ भन्न सकिंदै तर त्यो भन्दा पहिले सडकको अवस्था कमजोर भएकाले सडक विभागले सबै सडक मर्मत गर्नुपर्ने तर्क गर्दै आएका छन् ।