काठमाडौं– अन्य पत्रपत्रिकामा जस्तै आजको राजधानी दैनिकले पनि लगानी सम्मेलन समापनको समाचारलाई नै पहिलो पृष्ठमा ‘१६ परियोजनामा १७ आवेदन, १५ वटामा सम्झौता’ शीर्षकमा छापेको छ ।

लगानी सम्मेलनमा सरकार र निजी क्षेत्रले प्रस्तुत गरेक ७७ मध्ये १६ परियोजनाका लागि आवेदन परेको छ । आवेदन दिने समय २० अप्रिलसम्म भए पनि अहिले नै १६ वटा परियोजनाका लागि आवेदन परेको जनाइएको छ ।

यसैगरी चौधरी ग्रुपले सौर्य उर्जामा अमेरिकी लगानी भित्र्याउने शीर्षकमा पनि समाचार छापिएको छ ।

पत्रिकाले ‘अनुमतिबिना गैरऔषधि धमाधम बिक्री’ शीर्षकमा अर्को समाचार पहिलो पृष्ठमा छापेको छ । औधषि व्यववस्था विभागको अनुमतिबिना खाद्यपूरक सामग्री नेपाली औषधि बजारमा खेलआम बिक्री वितरण हुने गरेको उल्लेख गरिएको छ ।

त्यसैगरी पत्रिकाले स्थानीय तह र प्रदेशका लागि लोकसेवा भर्ना छिट्टै खुल्ने समाचार पनि ‘रिक्त पदा खोज्न सात टोली’ शीर्षकमा छापिएको छ ।

सरकारले प्रदेश र स्थानीय तहमा विभिन्न सेवा समूहका रिक्त पद पत्ता लगाउन सात टोली परिचालन गर्ने निर्णय गरेको पत्रिकामा जनाइएको छ ।

त्यसैगरी शैक्षिक क्षेत्रमा एकपछि अर्को विकृति शीर्षकमा सम्पादकीय छापेको छ । समग्र देश र नागरिकलाई सभ्य र अनुशासित बनाउन शिक्षा क्षेत्रको महत्वपूर्ण भूमिका रहन्छ । तर हाम्रो शिक्षा क्षेत्र विकृति नै विकृतिले गाँजिन थालेको छ ।