काठमाडौं– नौविसे–नागढुंगा सडकको सवारी जाम हटेको छ ।

जिल्ला प्रहरी कार्यालय धादिङका अनुसार सवारी आवागमन सामान्य रहेको र जाम हटेको छ ।

जिल्ला प्रहरी कार्यालय धादिङका अनुसार सोमबार विहान ६ बजेदेखि ८ बजेसम्म नागढुंगा नौविसेको अवस्था र सवारी साधनको गति सामान्य बनेको छ ।

त्यस्तै सडकको अवस्था पनि सामान्य रहेको प्रहरीले जनाएको छ । प्रहहरीले जाम नभएको र सवारी साधन सहज रुपमा आवतजावत भइरहेको भन्दै यात्रुहरुलाई यात्राको क्रममा केही समस्या र गुनासो भए राजमार्गमा राखिएको यात्रु सहायता कक्षमा समपर्क गर्न अनुरोध समेत गरेको छ ।

केही दिनअघि काठमाण्डको नागढुंगादेखि धादिङको नौबिसेसम्म गाडीको ठूलो लाइन लाग्दा यात्रुले सास्ती खेपेका थिए ।

१०/१२ घन्टा लाममा बस्नु परेको भन्दै यात्रुले आक्रोश पोखिरहँदा गृहमन्त्री रामबहादुर थापाले तत्काल जाम खुलाउने गरि काम गर्न सम्बन्धित निकायललाई निर्देशनसमेत दिएका थिए ।