मुम्बई – बाहुबली फेम प्रभासको फिल्म ‘साहो’ को चर्चा चौतर्फी छ । फिल्मको टिजर र ट्रेलरले चर्चा चुलिएको थियो । यो फिल्म भारतमा मात्र १ हजार स्किृनमा रिलिज हुने बताइएको थियो । तर, फिल्मले बक्स अफिसमा पहिलो दिन घाटा बेहोर्नुपरेको छ ।

हिन्दी, तमिल र तेलुगु गरी तीन भाषामा रिलिज भएको यो फिल्म पहिले ४ भाषामा रिलिज हुने भनिएको थियो । फिल्मको क्रेजका कारण बिहानदैखि फिल्म रिलिज गरिने भनिएको थियो । तर, फिल्मको कन्टेन्ट कतिपय हलमा डाउनलोड भएन ।

‘साहो’ लाई यो वर्षको ब्लकबस्टर फिल्म मानिएको छ । एक्सनले भरपूर यो फिल्ममा श्रद्धा कपूरको पनि अभिनय छ ।

खबरका अनुसार फिल्मको कन्टेन्ट समयमा डाउनलोड नहुँदा बिहानका धेरैजसो शो प्रभावित भएका छन् । कति त शोसमेत क्यान्सिल गर्नुपरेको भारतीय मिडियाले लेखेका छन् । यसले मेकर्सलाई पनि करोडौँको नोक्सान पुगेको बताइएको छ ।