आईसीसी एकदिवसीय विश्वकप क्रिकेटमा भारतीय टोलीबाट युवा ब्याट्सम्यान रिसव पन्तले स्थान पाएका छन् । उनलाई घरेलु टोली इंग्ल्यान्डविरुद्धको खेलमा भारतीय टोलीले स्थान दिएको हो ।

पन्तले ब्याट्सम्यान विजय शंकरको स्थानमा मैदान प्रवेश पाएका हुन् । इंग्ल्यान्डले भारतविरुद्ध टस जितेर ब्याटिङ रोजेको छ । बर्मिंघमस्थित क्रिकेट मैदानमा शूरु भएको खेलमा टस हारेको भारत घरेलु टोलीविरुद्ध फिल्डिङको निम्तो पाएको छ ।

आजको खेलमा भारत अपराजित रहँदै सेमिफाइनल पुग्ने लक्ष्यमा रहेको छ भने इंग्ल्यान्ड भारतलाई रोक्दै आफ्नो सेमिफाइनल यात्रा जिवीत राख्न चाहन्छ । यसअघिका २ खेलमा लगातार हार व्यहोरेको इंग्ल्यान्डका लागि आजको खेलजित्नै पर्ने दबाब पनि रहेको छ ।

भारतीय टोली:

विराट कोहली(कप्तान), रोहित शर्मा, केएल राहुल, महेन्द्रसिंह धोनी, रिसव पन्त, मोहमद समी, हार्दीक पाण्ड्या, कुलदिप यादव, युज्भेन्द्र चहाल, जस्प्रीत बुम्राह, केदार ज्यादव