धादिङ– धादिङको वेनिघाट रोराङ गाउँपालिका – ७ कृष्णभीरमा यात्रु बस र दुईवटा माइक्रोबस एक आवसमा ठोक्किँदा दुई जनाको मृत्युभएको छ ।

काठमाडौंबाट चितवन तर्फ जाँदै गरेको लु १ ख ९०७९ नम्बरको बस र चितवनबाट काठमाडौं आउँदै गरेको बा ३ ख १००४ नम्बर र बा २ ख ४५६७ नम्बरको दुई वटा माइक्रो एक आपसमा ठोक्किदा दुई जनाको घटनास्थलमै मृत्यु भएको जिल्ला प्रहरी कार्यलय धादिङले जनाएको छ ।

दुर्घटनामा परि मृत्यु हुनेमा धादिङ महादेवस्थानका २७ वर्षीषा श्याम कुमार श्रेष्ठ रहेका छन् भने अर्की एक महिला मृतकको पहिचार खुलेको छैन । दुवैको शव गजुरी अस्पतालमा रहेको छ ।

दुर्घटनामा परि बस तथा माइक्रोमा सवार अन्य ३० जना यात्रु घाइते भएका छन् ।   घाइतेहरुको राजमार्ग अस्पतालमा सामान्य उपचारपछि १८ जनालाई थप उपचारको लागि काठमाडौं, ७ जनालाई गजुरी अस्पताल,२ जनाको चरौदी अस्पतालमा उपचारका लागि पठाइएको छ ।

दुर्घटनामा परि सामान्य घाइते भएका ३ जना भने डिस्चार्ज भइसकेको जिल्ला प्रहरी कार्यलय धादिङले जनाएको छ ।