काठमाडौं- गत बर्षहरु झैं यस पटक पनि अञ्जली दिदीले सामूहिक भाइटीका लगाइदिएकी छन् । दिदी बहिनी नभएका तथा दिदी बैहिनीबाट टाढा रहेकाहरुलाई अञ्जली मास्केले टीका लगाइदिएकी हुन् ।

करीब एक सय जनाले उनीबाट टीका लगाएका छन् । अन्जली दिदीले बिगत २३ बर्षदेखि टीका लगाइदिने गरेकी छिन् । हरेक वर्ष आफ्नो हातबाट टीका लगाउनेहरुको संख्या बढ्ने गरेमा उनी निक खुशी थिइन् । अञ्जली दिदीको हातबाट टीका थाप्न पाएमा भाइटीका लगाउनेहरु पनि निकै खुशी देखिएका थिए ।

आज विहान शुभसाइत देखि नै अञ्जली दिदीकोमा टीका लगाउनेको घुइँचाे लागेको थियो । टीका लगाउन पुग्नेहरुमा कोही नयाँ थिए भने अधिकांश अनुहारहरु भने पुरानै थिए । उनीहरुले हरेक वर्षको भाइटीकामा अञ्जली दिदीको हातबाट टिका ग्रहण गर्दै आएका छन् ।