मुटु समबन्धि रोगका कारण वर्षेनी धेरै मानिसहरुले ज्यान गुमाउने गरेका छन् ।

अस्वस्थकर खानपान, व्यस्त जीवनशैली, व्यायाम र शारीरिक परिश्रमको कमी, तनाव, मध्यपान र धुम्रपानका कारण मानिसहरु रोगी बन्दै गएका छन् ।

मुटुसम्बन्धी समस्या वा हर्टअट्याकका कारण मानिसको ज्यान जाने गर्छ ।

धेरै तनाव वा चिन्ता अर्थात एन्जाइटी भएका व्यक्तिलाई ‘पेनिक अट्याक’ को सम्भावना हुन्छ ।

कुनै विशेष अवस्था वा खतरा विनै नै शरीरमा असजिलो हुनु पेनिक अट्याक हो र यो जुनसुकै बेला पनि हुनसक्ने मनोचिकित्सक बताउँछन् । पेनिक अट्याक भएका व्यक्तिले आफूलाई हृदयघात भएको ठान्ने गर्छन । तर यो जीवन नै जाने खालको हुन्छ तर पीडितले भने आफ्नो ज्यान नै जान लागेको महसूस हुन्छ ।

पेनिक अट्याक भएको केही बेरमा नै यो विस्तारै कम हुँदै जान्छ । पेनिक अट्याक १० देखि बढीमा ३० मिनेट भित्रमा आफै कम भएर जान्छ ।
पेनिक अट्याकको लक्ष्यण हर्टअट्याकको जस्तै भएपनि यो हर्टअट्याक नै होइन ।

के हुन्छ पेनिक अट्याकमा ?

पेनिक अट्याक हुँदा मन आत्तिने हुन्छ । त्यस्तै छाती दुख्ने, स्वास अड्किएको जस्तो वा स्वास रोकिएको जस्तो हुन्छ । छाती भारी हुने, चिटचिट पसिना आउने, कमजोरी महसूस हुने हुन्छ ।

पेनिक अट्याक भएमा आराम गर्नुपर्छ । लामो स्वास फेर्ने र रिलिफ हुने प्रयास गर्नुपर्छ । हल्का पानी पिउन जरुरी हुन्छ । डर र तनावका कारणले हुने हुँदा विरामीलाई हौसला दिने र केही भएको छैन भन्ने विश्वास दिलाउने प्रयास गर्ने । बारम्बार यस्तो भएमा चिकित्सक वा मनोपरामर्शदाता कहाँ जाने ।