काठमाडौं– नेपाल वायुसेवा निगमले जापानको ओसाकाका लागि सिधा उडान सुरु गरेको छ ।

नेपाल वायुसेवा निगमल १२ वर्षपछि आज पहिलोपटक जापानका लागि सिधा उडान गरेको हो । निगमको वाइडबडी विमा आज बिहान २ बजेर ४२ मिनेटमा जापानको ओसाकाको लागि उडेको हो ।

२ सय ७४ सिटे एअरबसको वाइडबडी जहाज १ सय ३२ यात्रु लिएर जापान प्रस्थान गरेको हो । संस्कृति पर्यटन तथा नागरिक उडड्यन राज्यमन्त्री धनबहादुर बुढा, ६ जना सांसद र निगमका १० जना कर्मचारीसहित एक सय ३२ यात्रु जापान प्रस्थान गरेका हुन् ।

काठमाडौंबाट उडेको जहाज ६ घन्टा २० मिनेटमा ओसाका पुग्नेछ । जापान पुगेको २ घण्टापछि नै जहाज फेरि नेपालको लागि उड्नेछ ।
निगमले एकतर्फी टिकटको मूल्य ३६ हजार ९ सय ९९ र दुईतर्फी टिकटको मूल्य ७२ हजार ८ सय १४ रुपैँया तोकेको छ ।