मुम्बई – मराठी टिभी कलाकार मन्दार कुलकर्मीलाई भारतीय प्रहरीले पक्राउ गरेको छ । उनीमाथि १७ वर्षीय युवतीमाथि हिंसा गरेको आरोप लगाइएको छ ।

३५ वर्षीय यी कलाकारविरुद्ध पुणेको एक प्रहरी स्टेशनमा उजुरी परेको थियो । उनले कैयन् मराठी टिभी सिरियलमा काम गरिसकेका छन् ।

मन्दारले फोटोशूट गर्ने भन्दै घरमा बोलाएर आगामी टिभी शोका लागि फोटोशूट गराउने आग्रह गरेको र मराठी फिल्ममा पनि ब्रेक दिने भनेको युवतीले बताएकी छिन् । उनका अनुसार यी दुई एक वर्कशपका क्रममा भेट भएका थिए ।

कलाकारितामा सिनियर भएका कारण उनले मन्दारसँग गाइडलाइन र टिप्स पनि मागेकी थिइन् । उनले सबैलाई सम्मान गर्न थालिन् । एक हप्तापछि मन्दारले ती युवतीलाई टिभीको अडिसन टेस्टका लागि भन्दै एप्रोच गरे ।

उनले फोटोशूटका लागि आग्रह गरे । मन्दारले आफूलाई फोटोग्राफी खुबी देखाएर घरमा बोलाएको ती युवतीले आरोप लगाएकी छिन् ।

घरमा पुगेर ती युवतीले अलग–अलग पोशाकमा तस्वीर पनि खिचाइन् । त्यो बेलामा मन्दारले आफूलाई जबरजस्ती गर्न खोजेको बताइन् । घर फर्किएपछि उनले यो घटनाक्रम आफन्तलाई बताइन् । लगत्तै उनीहरु प्रहरीकहाँ पुगे ।

प्रहरीले मन्दारलाई पक्राउ गरेर न्यायिक हिरासतमा पठाएको छ ।