काठमाडौं– सरकारले सुदूरपश्चिमको दार्चुलादेखि पूर्व (प्रदेश नम्बर १ को) ताप्लेजुङ सम्म हिमालयन पदमार्ग विस्तार गर्ने भएको छ ।

सरकारले दार्चुलादेखि ताप्लेजुङसम्म हिमालयन हरित पदमार्थ रेखाङ्कन गरी पूर्वाधार निर्माण शुरु गरिने घोषणा गरेको हो ।

बुधबार संघीय संसदमा आगामी आर्थिक वर्षको बजेट प्रस्तुत गर्दै अर्थमन्त्री डा. युवराज खतिवडाले आगामी आर्थिक वर्षमा हिमालयन हरित पदमार्गको रेखाङ्कन गरी पूर्वाधार विकास गरिने बताएका हुन् ।

सरकारले साहसिक पर्यटनमा विश्वका ध्यान आकर्षण हुने गरी प्रचार प्रसार गर्ने पनि अर्थमन्त्री खतिवडाले जानकारी दिए ।

अर्थमन्त्री खतिवडाले महाभारत पर्वत क्षेत्रका सम्भावित पर्यटकीय क्षेत्रलाई विदा मनाउन शितल आवासको रुपमा विकास गरिने पनि घोषणा गरे ।