अमेरिका – ‘एभेन्जर्सः इन्ड गेम’ मा थोरको भूमिका निभाउने चर्चित अभिनेता क्रिस हेम्सवर्थले ‘एभेन्जर्सः इन्ड गेम’ को कहानी सकिनेबारे आफ्नो धारणा राखेका छन् । संसारभर यो फिल्म एभेन्जर्स फ्रेन्चाइजको अन्तिम फिल्म हो भन्ने हल्ला फैलिएको छ । तर, क्रिस हेम्सवर्थको धारणा भने फरक छ ।

उनले यस सम्बन्धमा फिल्मको फ्रेन्चाइज अझै नसकिने बताएका छन् । भेराइटी डटकमसँगको एक कुराकानीमा क्रिस हेम्सवर्थले भने, ‘चाहे अहिले होस् या भविष्यमा, आउने समयमा अब के हुन्छ, मलाई यसको रिमेक बन्छ, सिक्वेल बन्छ या प्रिक्वेल बन्छ भन्ने कसैलाई थाहा छैन, तर बन्न सक्छ ।’

यो फिल्मले विश्वभर आफ्नो ध्यान तान्न सफल भएको छ । फिल्मले विश्वभर नै गज्जबको व्यापार गरेको छ ।

यो फिल्मलाई एन्थनी रुसो र जो रुसोले निर्देशन गरेका हुन् । फिल्ममा कैयन् सुपरहिरोहरु मुख्य भूमिकामा छन् । यी सबै हिरोहरु एक भएर थनोसका विरुद्ध युद्ध लड्छन् ।