स्याङ्जा– सरकारले विप्लव नेतृत्वको नेकपामाथि प्रतिबन्ध लगाएसँगै विभिन्न जिल्लामा उसका नेता तथा कार्यकता धमाधम पक्राउ पर्न थालेका छन् । शुक्रबार स्याङ्जामा दुई जना विप्लव नेतृत्वको नेकपाका नेता पक्राउ परेका छन् ।

पक्राउ पर्नेमा जिल्ला सेक्रेटरी गोकुल पराजुली र मजदुर महासंघका अध्यक्ष जीवन भनिने गोविन्द ओलीलाई पक्राउ गरेको हो । पोखरा महानगरपालिका २७ घर भएका अधिकारी केही समय अघि मात्रै विप्लप नेतृत्व पार्टी नेकपा स्याङ्जाको सेक्रेटरी भएर काम थालेका थिए । त्यस्तै, मजदुर महासंघ स्याङ्जा अध्यक्ष पश्चिम रुकुम त्रिवेणी गाउ“पालिका १ का स्थायी बासिन्दा हुन् ।

पक्राउ परेको दुबै जनालाई प्रहरी पुतलीबजार नगरपालिका १३ छहरी खोलातर्फ मोटरसाईकलमा भाग्दै गरेको अवस्थामा पक्राउ गरेको स्याङ्जाका प्रहरी नायव उपरीक्षक नविनकृष्ण भण्डारीले जानकारी दिए ।

उनका अनुसार राज्य विरुद्धको अपराध र विष्फोटक पदार्थ सम्बन्धी कसुरमा उनीहरुमाथि अनुसन्धान थालिएको छ । सरकारले विप्लव समूहलाई प्रतिबन्ध लगाएपछि उनीहरुका गतिविधिलाई सुरक्षा निकायले कडा निगरानी राखेको छ ।