मुम्बई – बलिउडका सुपरस्टार समान खानले शुक्रवार आफ्नो ५४ औँ जन्मदिन भव्य रुपमा मनाएका छन् । २७ डिसेम्बरमा परेको जन्मदनिमा उनले आफ्नो परिवारका साथ जन्मदिन मनाएका थिए ।

शुक्रवार सलमानको जन्मदिन पारेर मुम्बईको बान्द्रा इलाकामा रहेको ग्यालेक्सी अपार्टमेन्टमा उनका फ्यान जम्मा भएका थिए । हरेक वर्षझैँ यस पनि सलमान खान आफ्ना फ्यानका सामुन्ने देखिन बाल्कोनीमा आए र हात हल्लाए ।

हजारौँको सङ्ख्यामा उपस्थित फ्यान देखेर सलमान खान निकै भावुक भएका थिए । उनका आँखामा खुशीका आँसु आएका थिए ।

हालै सलमानले एक भिडियो सार्वजनिक गरेका छन्, जुन भिडियोमा सलमानले फ्यानलाई अभिवादन गरिरहेका छन् । भिडियोमा सलमान खान इमोसनल भएको देख्न सकिन्छ ।

सलमानको ५४ औँ जन्मदिन विशेष रह्यो । उनले जन्मदिनको शुभकामना दिने सबै प्रशंसकलाई धन्यवाद दिएका छन् । सलमानको जन्मदिनमा कैयन् बलिउड हस्ती पनि उपस्थित थिए ।