धनगढी– कैलालीको धनगढीस्थित शहरी विकास तथा भवन निर्माण विभाग, संघीय आयोजना कार्यान्वयन इकाइका इन्जिनियर २ लाख ५० हजार रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोगको महेन्द्रनगरस्थित कार्यालयबाट खटिएको टोलीले इन्जिनियर त्रिलोक जोशीलाई घुससहित पक्राउ गरेको हो ।

जोशीलाई कार्यालयबाट घुससहित पक्राउ गरिएको अख्तियारको महेन्द्रनगर कार्यालयका एक अधिकारीले जानकारी दिए ।

जोशीले घुस लिएको रकम आफ्नो कार्यकक्षको टेबलमुनि लुकाएर राखेका थिए ।

जोशीले कुन प्रयोजनका लागि घुस लिएका थिए भन्ने विषय भन्ने अख्तियारले सार्वजनिक गरेको छैन ।

पक्राउ परेका इन्जिनियर जोशीलाई अख्तिायरको महेन्द्रनगरस्थित कार्यालयमा लगिएको छ ।

जोशीमाथि थप अनुसन्धान भइरहेको अख्तिायरका अधिकारीले जानकारी दिएका छन् ।