सुनसरी– सिद्धबाबा भनिने कृष्णदास गिरी पक्राउ परेका छन् । गिरीलाई पक्राउ गरी अनुसन्धान गर्न अदालतले प्रहरीलाई अनुमति दिएको थियो ।
गिरीलाई बलात्कार अभियोगमा पक्राउ गरी अनुसन्धान गर्न जिल्ला अदातल सुनसरीले शुक्रबार प्रहरीलाई अनुमति दिएको हो ।
सिद्धबाबा भनिने कृष्णदास गिरीलाई सुनसरीको चतरास्थित आश्रमबाट पक्राउ गरिएको प्रहरी प्रवक्ता डिआईजी विश्वराज पोखरेलले जानकारी दिए ।
सुनसरीको चतरास्थित आश्रममा बस्ने सिद्धबाबामाथि बलात्कारको आरोप छ । आफ्नै अनुयायी महिलामाथि गत ४ कात्तिकमा बलात्कार गरेको पीडितको भनाइ छ ।
गिरीविरूद्ध जबरजस्ती करणीको मुद्दा बिहीबार जिल्ला अदालत सुनसरीमा दर्ता भएको थियो ।
प्रतिक्रिया