गुल्मी– जुवा खेल्दै गरेको अवस्थामा गुल्मी प्रहरीले गए राति १७ जनालाई पक्राउ गरेको छ । गुल्मी दरबार गाउँपालिका–७ को गलामस्थित लीलासिं अधिकारीको घरबाट उनीहरु पक्राउ परेका हुन् ।

पक्राउ परेका व्यक्तिको साथबाट २ लाख ८२ हजार बरामद गरिएको प्रहही नायब उपरीक्षक (डिएसपी) मीनबहादुर घलेले जानकारी दिए ।

पक्राउ पर्नेमा गुल्मी दरबार गाउँपालिका–७ का कृष्णबहादुर खनाल, सुजन अधिकारी, लीलासिं अधिकारी, अर्जुन बस्नेत, हिमाल अधिकारी, यमबहादुर कार्की, सुमन टण्डन, हरि खत्री, पूर्णबहादुर खड्का, भोजेन्द्र बस्नेत, विनोद टण्डन, विमल बस्नेत, नारायण टण्डन, विक्रम बस्नेत, नारायण टण्डन, रेसुङ्गा नगरपालिका–१२ का सन्तोष टण्डन, अनिल बस्नेतलगायत छन् ।

उनीहरुविरुद्ध मुलुकी अपराध स‌ंहिता (ऐन) २०६४ को दफा १२५ को कसुरअन्तर्गत कारबाही प्रक्रिया अगाडि बढाइएको प्रहरीले जनाएको छ ।

प्रहरीले तिहारको समयमा हुने जुवा तास नियन्त्रणका लागि देशभरी नै अभियान सञ्चालन गरेको जनाएको छ । यसअघि आइतबार बिहान मात्रै काठमाडौंबाट पौने ३ करोड नगदसहित २५ जना जुवाडे पक्राउ परेका थिए ।