काठमाडौं – नेपालका लागि अमेरिकी राजदूत र्‍याण्डी बेरीले नेपालीहरुको दोस्रो ठूलो चाड तिहारका अवसरमा आइतबार लक्ष्मी पूजा गरेका छन् ।

बेरीले आफ्नो निवासमा रंगोली बनाउँदै लक्ष्मी पूजा र कुकुर पूजा गरेका हुन् । उनले तिहारलाई भव्य मनाएका तस्वीरहरु ट्वीटरमा सार्वजनिक गरेका छन् ।

राजदूत बेरीले आफ्नो निवास भित्रको कोठामा पालकमा बत्ती बालेर सबैलाई शुभकामना दिएका छन् ।

‘म मेरो टिमसहित मण्डला बनाउन जुटेको छ । हाम्रो घर अहिले झिलिमिली बत्तीले उज्यालो र रंगीन भएको छ’, उनले ट्वीटरमा भनेका छन्, ‘तपाईंहरु सबैले यो वर्षभरमा शुभेच्छा र आशीर्वाद पाउनुहुनेछ । दीपावलीको अवसरमा सबै नेपालीलाई शुभकामना !’

तस्वीर- राजदूत बेरीको ट्वीटरबाट