एजेन्सी– स्पेनिस ला लिगा फुटबलमा ग्रानडा शीर्ष स्थानमा उक्लिएको छ । बार्सिलोनालाई पछि पार्दै ग्रानडा शीर्ष स्थानमा उक्लिएको हो ।
आइतबार राति भएको खेलमा रियल बेटिसलाई १-० गोल अन्तरले पराजित गर्दै ग्रानडा शीर्ष स्थानमा उक्लिएको हो । घरेलु मैदानमा भएको खेलमा अल्भारो भाडिलोले ग्रानडाका लागि निर्णायक गोल गरे । ।
जितसँगै ग्रानडाले बार्सिलोनालाई एक अंकले पछि पार्दै शीर्ष स्थान ओगटेको हो । सन् २०१७ को सिजन घटुवामा पर्दै यसै सिजन शीर्ष डिभिजनमा बढुवा भएको ग्रानडाले पहिलोपटक ला लिगाको शीर्ष स्थान हासिल गरेको हो ।
ग्रानडाले १० खेलमा २० अंक जोडेको छ । एक खेल कम खेलेको बार्सिलोनाको १९ अंक रहेको छ ।
प्रतिक्रिया