काठमाडौं- पछिल्लो समय स्थानीय तहमा जनप्रतिनिधिले सवारीसाधनको बढी दुरुपयोग गर्ने गरेको पाइएको खबर कारोबार दैनिकमा छ । एक नगरपालिकासहित ८ स्थानीय तह रहेको जुम्लामा करोडौंको सवारी साधन खरिद गरिएको छ । ति सवारीसाधनमा जनप्रतिनिधिका आफन्त, नातेदारहरुको रजाइँ चलिरहेको छ ।

त्यस्तै सरकारले कामदारको सामाजिक सुरक्षा र आम्दानीका हिसाबले नयाँ श्रम गन्तव्यका रुपमा जापान र मरिससलाई प्राथमिकतामा राखेर श्रम सम्झौता गर्ने तयारी गरिरहेको छ ।

डेढ वर्षपछि पञ्चेश्वर विज्ञ समूहको बैठक नेपालमा बसेको, नेपाललाई संसारभर जोड्न बेल्ट एण्ड रोड कार्यान्वयन प्रक्रियामा अघि बढेको खबरलाई प्राथमिकताका साथ छापिएको छ ।

त्यस्तै ‘वैदेशिक लगानीमा सावधानी!’ शीर्षकमा लेखिएको सम्पादकीयमा साना किसानहरुमाथि सिधै अस्त्विको प्रश्न उब्जने गरी वैदेशिक लगानी स्वीकार गर्न नुहने उल्लेख गरिएको छ ।