मुम्बई – कंगना रनावत प्रायः चर्चामा हुन्छिन् । फिल्म उद्योगमा उनी प्रतिभाशाली अभिनेत्रीमा त पर्छिन् नै । अर्कातिर उनी आफूलाई लागेको कुरा विना कुनै डर बोल्न सक्ने खुबी भएकी अभिनेत्रीमा पनि पर्छिन् । हालै कंगनाले एक अन्तर्वार्तामा आफ्नो फिल्म जर्नीको बारेमा बताइन् ।

उनले कुराकानीका क्रममा फिल्म ‘पद्मावत्’ का लागि सञ्जय लीला भन्सालीले आफूसँग कुरा गरेको बताइन् । उनले भन्सालीले फिल्मको स्किृप्ट सुनाएको पनि उक्त अन्तर्वार्तामा खुलाइन् ।

उनले भनेकी छिन्, ‘हो, कुराकानी भएको थियो, त्यतिबेला मैले मणिकर्णिकामा काम गरिरहेकी थिएँ, त्यसकारण यसमा अगाडि कुरा भएन, तर हामीबीच फिल्मलाई लिएर कुराकानी भएको थियो, त्यसभन्दा पहिले त उनीहरुले फिल्म गलियो की रसलीलाको गीत गरुँ ।’

फिल्म ‘पद्यावत्’ मा दीपिका पादुकोणले रानी पद्यावतीको भूमिका निभाएकी थिइन् । फिल्ममा उनको अभिनयको पनि खुबै तारिफ भएको थियो । यो फिल्म बक्स अफिसमा पनि हिट साबित भएको थियो ।

यतिबेला भने कंगना तमिलनाडुकी पूर्व मुख्यमन्त्री जयललिताको बायोपिकमा अभिनय गर्न लागेकी छिन् ।

उनले बलिउडमा सबैभन्दा धेरै पारिश्रमिक लिएको भन्ने चर्चा पनि छ । कंगनाले यही फिल्मका लागि तमिल भाषा सिकिरहेकी छिन् ।