काठमाडौं– जर्मन फुटबल क्लब वार्यन मुनिखले विश्व विजेता फ्रान्सका डिफेन्डर लुकाज हेर्नान्डेजलाई क्लबमा भित्र्याएको छ । वार्यनले हेर्नान्डेजलाई क्लबको कीर्तिमानी मूल्य ८० मिलियन युरोमा इट्लेटिको मड्रिडबाट भित्र्याएको जानकारी दिएको छ ।

२३ वर्षे युवा खेलाडी हेर्नान्डेजले मुनिखसँग ५ वर्षको सम्झौता गरेको बीबीसीले उल्लेख गरेको छ । फ्रान्सका डिफेन्डर बुन्डेसलिगाको शीर्ष क्लबमा जुन १ बाट खेल्नेछन् ।

वार्यनका डाक्टरहरुले हेर्नान्डेजको खुडाको लिगामेन्टमा समस्या आएकाले बुधबार सर्जरी गरिएको बताएका छन् ।

उनले वार्यनमा आवद्ध हुनु आफ्नो फुटबल करियरको महत्वपूर्ण क्षण भएको बताएका छन् । ‘मेरो फुटबल करियरका लागि यो महत्वपूर्ण दिन हो । वार्यन मुनिख युरोप र विश्वका उत्कृष्ट क्लबमध्येको एक हो,’ हेर्नान्डेजले बताएका छन् ।

एट्लेटिको मड्रिडमा रहँदा ६७ खेल खेलेका उनले युरोपा लिग र सुपर लिग जिताउन योगदान गरेका थिए । त्यस्तै, उनले रसिया विश्वकपसहित फ्रान्सका लागि १५ अन्तर्राष्ट्रिय उपाधी उचालेका छन् ।