तुल्सीपुर– दाङमा जीप दुर्घटना हुँदा २ जनाको मृत्यु भएको छ ।

दाङको दूधरासबाट सिल्लीकोट जाँदै गरेको लु १ च ५९१२ नम्बरको जीप तुल्सीपुर उपमहानगरपालिका–१९ बाहिरी संग्राममा दुर्घटना हुँदा २ जनाको मृत्यु भएको हो । दुर्घटनामा अन्य ५ जना घाइते भएका छन् ।

मृत्यु हुनेमा तुल्सीपुर–१९ बासगढीका ३५ वर्षीय लालबहादुर राउत र छिल्लीकोटका ५५ वर्षीय अमर बहादुर वली छन् ।

घाइते हुनेमा लिला बहादुर खड्का, कर्म बहादुर खड्का, सपना ओली र एक ४ वर्षीय तथा अर्का १ वर्षीय बालक छन् । घाइतेमध्ये लिला बहादुर खड्काको अवस्था गम्भीर रहेको जिल्ला प्रहरी कार्यालय दाङका प्रहरी नायव उपरीक्षक रामप्रसाद घर्तीमगरले जानकारी दिए ।

घाइतेहरुको राप्ती प्रादेशिक अस्पतालमा उपचार भइरहेको जनाइएको छ ।