काठमाडौं– नेपाली कांग्रेसका सांसद जितेन्द्र देवले नेपाल कम्युनिष्ट पार्टी (विप्लव)लाई हेर्ने सरकारको आधिकारीक धारणा माग गरेका छन् ।

बुधबारको राष्ट्रियसभा बैठकको विशेष समयमा बोल्दै सांसद देवले नख्खुस्थित एनसेलको कार्यलयसहित देशभरका २१ स्थानमा विप्लव समूहले वम आतंक मच्चाएपनि सरकार चुप लागेर बसेको आरोप लगाए ।

उनले विप्लवलाई हेर्ने सत्तारुढ दल नेकपा र सरकारको धारणा माग गरे ।

नेपाल सरकार र सत्तारुढ दल नेकपाको विप्लवको पार्टी प्रतिको दृष्किोण केहो ?’ संसदमा प्रश्न गर्दै सांसद देवले भने,‘ विप्लवको पार्टी आतंकवादी पाटी हो कि ? विप्लवको पार्टी एउटा राजनीतिक पार्टी होकी, विप्लवको पार्टी राजनीतिक र कामकारवाही आतंककारी हो कि ? के हो ?’

‘नेकपा र सरकारको विप्लवलाई हेर्ने दृष्टिकोण के हो ?’ देवले प्रश्न गरे ।

यो घटनालाई सतही रुपमा हरियो भने आगामी दिनमा देश ठूलो द्वन्द्वमा फस्ने भनाइ सांसद देवको थियो ।